மாயப் பிரம்மாண்டத்தின் மீதிலொரு சிற்றுளியின் சிறு கீறல்.. சிற்றளவேனும் சிதைப்போம் சிறுதுளி தான் பெருவெள்ளம்!!

சுட்டுவிடு எடப்பாடி...!!


சுட்டுவிடு எடப்பாடி
எங்களை சுட்டுவிடு
எரியும் வீட்டில்
பிடுங்கியதுவரை லாபம்
எப்பக்கமும் வஞ்சித்தும்
இன்னுமா ஒடுங்கவில்லையென
மிச்சமிருக்கும் உயிரையும்
முடிந்தவரை பறித்துக்கொள்!

இழக்க ஒன்றுமில்லை
எங்கள் உயிரைத்தவிர
ஆண்ட இனத்தை அடிமைகொண்டு
சுரண்டும் வேட்கை தீரும் வரை
ஆட்சி அதிகாரம் கையிலுண்டு
ஆசை தீர கொன்றுவிடு

மாட்சிமை கொண்ட எம்மினம்
மனிதநேயம் கொண்டு -  பலரை
வாழவைத்தது பாவமென்றால்
வந்தேறி கூட்டத்தின் வன்மம் தீர
பிணந்தின்னும் கோரப்பசி தீர்க்க
கொன்று காட்டு எடப்பாடி 
கொக்கரிக்கட்டும் அவாள் கூட்டம்.

ஆண்டு பல்லாயிரம் இதிகாசம்
மாண்புமிக்க நாகரீகம்  
நீட்சி கொண்ட பண்பாட்டினம்
நியாயம் கேட்பது கொடுஞ்செயலோ?
நினைவில் கொள்ளடா எடப்பாடி 
கடைசி உயிர் மாண்டாலும்
கல்லறையிலும் மண்டியிடாது 
எம்மினத்தின் எலும்பு கூட!! 

எங்களுக்கும் காலம் வரும்
காலம் வந்தால் வாழ்வு வரும்
வாழ்வு வந்தால் உங்களையும்
வாழவைப்போம் !!
நினைவில் கொள்ளடா  எடப்பாடி
நீசக்கூட்டமல்ல உன் போல்
உலகை ஆண்ட  தமிழினம் !!

நாங்கெல்லாம்...!

உச்சத்தில் எரிபொருள்  விலை 
இருளில் இந்தியா..! 
சமாதியில் சிறுதொழில்
தீவிர சிகிச்சைப் பிரிவில்
நீதித்துறை !
இத்தனைக்கும் காரணம்....?
வேறே யார்?
காங்கிரஸ்  தான்!!
- ரஷ்ய அதிபரிடம் இந்திய அதிபராக பரிணாமமடைந்தவர் கவலை. 
-------------------------------------------------------------------------------- 
விலைவாசி ஏற்றத்திற்கு காரணம் காங்கிரஸ்தான். ஆம் 100 கோடிக்கும் கூட எம் எல் ஏ க்களை வாங்கமுடியாததற்கு காரணம் காங்கிரஸ்தானே ! 
- அமித்ஷா ஆக்ரோஷம். 
---------------------------------------------------------------------------------
அவாளா இருக்கணும் 
இல்ல.. அவா ஆளா இருக்கணும்..! 
-குடிமைப்பணிக்கு புதிய தேர்வுமுறை அறிமுகப்படுத்தவுள்ளதாக மத்திய அரசு தகவல். 

---------------------------------------------------------------------------------
கர்நாடகத்தில் ஜனநாயத்தை நிலைநாட்டியது உச்சநீதிமன்றம்; செய்தி 
- ஆசையை தூண்டுனாத்தானே ஏமாற்றமுடியும்...முழுக்குடுமியையும் காட்டினா முக்கியமான நேரத்துல நாட்டாமை பண்ணுவதெப்படி?

---------------------------------------------------------------------------------
காரணமில்லாமல் மெரினாவில் நினைவேந்தலுக்கு தடை செய்யமாட்டார்கள்; ரஜினி  
-  எதற்குமே வாயைத்திறக்காத  நீர் இதற்குமட்டும் கருத்துச்  சொல்லக்  காரணம்? 

---------------------------------------------------------------------------------

உச்சநீதிமன்றத்தில் ஸ்டீவ் பக்னர்

ஆஸ்திரேலியாக்காரன் கேட்க கேட்க கொடுத்த வள்ளல் 
கேளுங்க மக்களே.. கேட்காம இருந்தா எப்படி கொடுப்பது? நீங்கள் கேட்டும் கொடுக்காம இருந்தேனா எப்பவாவது?

காவிரி மேலாண்மை வாரிய திட்ட வரைவை சமர்ப்பிக்க நீங்க எத்தனை தடவை தவணை கேட்டபோதும் தந்தேன்ல..

லோயா வழக்கு, நீட், அமித்ஷா வழக்குன்னு நீங்க கேட்ட ஏதாவது மறுத்திருக்கேனா மக்களே?

காங்கிரஸ் காரன் நம்ம ஆளுநருக்கெதிரா இங்க வந்தாலும் ஆட்சியமைக்க உங்களை  கூப்பிட்டது தான் சரின்னு சொல்லுவோம்னு தெரியாதா மக்களே? 

ஆட்சியமைக்க ஒருவாரம் கொடுங்கன்னு கேட்டாத்தானே ரெண்டு வாரம் கொடுக்க முடியும்? கேக்கலேன்னா எப்படி?

பதவியேற்பதற்கு முன்னமே வேறு கட்சிக்கு மாறிக்கலாம்னு சொன்னாத்தானே கேட்டுக்கொண்டு மூடிக்கொண்டு இருக்க முடியும்? கேக்கலேன்னா எப்படி? 

கேளுங்க மக்களே..நான் வேற நீங்க வேறயா? சட்டத்தின்படி நடக்கவா இவ்ளோ கஷ்டப்பட்டு இந்த இடத்துக்கு வந்தோம்?


இன்றைய செய்தியும் சில நினைவூட்டலும்...!!

பாஜக வினர், வெட்டவெளிச்சமாக மீடியா முன்பே தான் சொன்னதை சொல்லவே இல்லை என்று மிக எளிமையாக சூடு சொரணை மானம் வெட்கம் (அதெல்லாம் பாஜகவில் எதிர்பார்க்கக்கூடாது) எதுவுமில்லாமல் கடந்து செல்வார்கள்.

இருந்தாலும் சில நினைவூட்டல்கள்..

செய்தி 1: எடியூரப்பாவை ஆட்சி அமைக்க ஆளுநர் இன்றிரவு  அல்லது நாளை அழைக்கிறார் 

நினைவூட்டல் 1:
அருண் ஜெட்லீ : தொங்கு சட்டசபை அமையுமானால்,  தேர்ந்தெடுக்கப்பட்ட பெரும்பான்மை உறுப்பினர்கள் கூட்டணி அமைக்கும்போது, அவர்களை ஆட்சி அமைப்பதற்கும் குறிப்பிட்ட காலத்தில்  பெரும்பான்மையை நிரூபிப்பதற்கும்  உத்தரவிடுவதே அரசியலமைப்பு சட்டத்தின் படி சரியாகும். (அப்போ அது மணிப்பூர்லயும் மேகலாயாவிலும் நாகாலாந்திலும் இந்தக் கருத்து தேவையாயிருந்தது)

செய்தி 2: உத்திரப்பிரதேசத்தில் வாரணாசியில் பாலம் இடிந்து விழுந்து 15 பேர் மரணம், மற்றும் 20க்கும் மேற்பட்டோர் படுகாயம்.

நினைவூட்டல் 2: மேற்கு வங்காளத்தில் 31, மார்ச் 2016ல் தேர்தல் சமயத்தில் பாலம் இடிந்து விழுந்து 50க்கும் மேற்பட்டோர் மரணித்ததை பிரதமரும் வாரணாசி தொகுதி எம்.பியுமான மோடி சொன்னது:  "இது கடவுளின் செய்தி. இந்த ஆட்சி தொடருமானால் ஒட்டுமொத்த மேற்கு வங்காளமும் அழிந்துவிடும்"

ஏதாவது உரைக்கும்ங்கிறீங்க?

நெசம்மாவே நடந்திருச்சா எடியூரப்பா

நாசமாப்போக என்று மனசு நிறைஞ்சு (?) வாழ்த்துனதுல இப்போ நிலவரம் அப்படியே ஆயிடுச்சி போல குருநாதா?

பின்வாசல் வழியாவே இதுவரை வாழ்ந்த நம் கட்சிக்கு பின்னாலே குத்திட்டாங்களே குருநாதா...

அந்த வானத்தைப் போல மனம் படைச்ச மன்னவனே ...(பின்னணி இசை)


 ..மாட்டுக்குள்ளதையும் மனுஷனுக்குள்ளதையும்  சேர்த்து  வச்சி பூசிட்டாங்களே..!
மேகலாயாவுலயும் கோவாவுலயும் செஞ்சத பார்த்து இப்படி செஞ்சுப்புட்டாங்களே ...
பதவியேற்குமிடத்துக்கு குடுத்த அட்வான்ஸ எந்த மூஞ்சிய வச்சிக்கிட்டு திருப்பி கேப்பேன்?

அந்த குமாரு பயபுள்ள நல்லா இருப்பானா..
நான் கொடுப்பேனடா எத்தனை கோடின்னாலும் ..நம்ம ரெட்டி காரு கொடுப்பாரேடா கொமாரு நீ நல்லா இருப்பியா?

காவிரி தண்ணிய தராம இருக்க வரைவு திட்டம் செஞ்சோமடா  பாவி இப்போ என் எங்க கண்ணுல தண்ணிய வர வச்சி பிளான் பி திட்டத்தை செஞ்சுப்புட்டாங்களே கொமாரு ...

ஆமா ஓட்டு மெஷின்ல அந்தக் குத்து குத்தியுமா நாங்க தோத்துட்டோம்? கள்ளத்தனம் செய்யாம இருந்திருந்தா இந்நேரம் நாறியில்ல போயிருக்கும்..

கர்நாடகத்தில் வாக்கு இயந்திரம் வெற்றி

பலமுறை சோதனை செய்யப்பட வாக்கு இயந்திரம் இந்த முறை கர்நாடகத்திலும்  வெற்றி பெற்றமைக்கு ஏமாளிகள் சார்பாக வாழ்த்துக்கள் 

ஏற்கனவே மே 12 ஆம் தேதியிட்ட  எமது பதிவில் (இணைப்பு முதலமைச்சர் எடியூரப்பாவுக்கு "நாசமாப்போக" என்ற வாழ்த்து தெரிவித்திருந்தேன்.. இப்போது மீண்டுமொருமுறை தெரிவித்துக் கொள்வது எம் கடமை.

கருத்துக்கணிப்பு (இணைப்பு),  பிரதமர், தேசியத்தலைவர், 32 அமைச்சர்கள், 3 முதல்வர்கள், பல பொதுக்கூட்டங்கள், 50,000 ஆர் எஸ் எஸ் கூலிகள், தேர்தல் ஆணையத்தால் வேண்டுமென்றே பிடிக்கப்பட்ட பணம் போன்றவற்றால் பாஜக ஜெயித்தது என்றால்  பூணூல் போட்ட கூமுட்டை கூட நம்ப மாட்டான்.

ஆம், வாக்கு இயந்திரமே  ஜெயித்தது.

வக்கற்றவனின் அராஜக ஆட்சி 
சர்வாதிகாரமெனும் மறுரூபம் கண்டு  
திக்கற்ற நிலை கொள்ளும் 
துக்க நாட்களின்  
முதலாம் நாள் இன்று..
கர்நாடகத்தில் பாஜக வெற்றி..
இல்லை இல்லை
வர்ணாசிரம சதியில் 
ஜனநாயகம் தோல்வி..
இந்நாடும் இந்நாட்டு மக்களும் 
.............................!!!
என் வாய் உதட்டோடு ஒட்டிக்கொள்ளட்டும் !

காவிரி எழவு திட்டம்

ஒரு பழைய ஜோக் ஒன்று கிராமங்களில் உலாவினது நியாபகத்திற்கு வருகிறது. பின் நாட்களில் அது  நகைச்சுவை காட்சி அமைப்பாக பூவே உனக்காக திரைப்படத்திலும் இடம்பெற்றது.

பிச்சைக்காரனுக்கு பிச்சை இல்லையென்று கிழவி சொன்னவுடன் நம்பியார் மீண்டும் அவனைக் கூப்பிட்டு இங்கே நான் தான் எல்லாம் அவள் என்ன சொல்லுவது.. நான் சொல்லுகிறேன், உனக்கு பிச்சை கிடையாது என்று கூறுவார்.

அதே போல் கர்நாடகம் என்ன தண்ணீரை மறுப்பது? நாங்கள் சொல்கிறோம் தண்ணீர் தர முடியாது என்று  தமிழகத்தின் உரிமையான  காவிரியை பிச்சை கேட்கும் நிலைக்கு தள்ளிவிட்டதுமல்லாமல் இவர்கள் அமைக்கும் காவிரி நதிநீர் பங்கீட்டுக்கான மேலாண்மை அமைப்போ அல்லது வாரியமோ அதன் வரைவு திட்டத்தில் மாநிலங்களின் கட்டுப்பாட்டிலேயே அணைகள் இருக்கும், காவிரி அமைப்பு மேற்பார்வை பணிகளை மட்டுமே மேற்கொள்ளும் என்று  மத்திய அரசின் சார்பாக நீர்வளத்துறை செயலர் என்று யு.பி.சிங் கூறியுள்ளார். 

இது தமிழகத்திற்கு செய்யப்பட மிகப்பெரிய மோசடி. 

உச்சநீதிமன்றம் உத்தரவிட்டும்  கர்நாடகம் தண்ணீர் தரவில்லை என்று தானே மேலாண்மை வாரியம் அமைக்க உச்ச நீதிமன்றம் உத்தரவிட்டது? இன்னும்  அவர்கள் அதிகாரத்தில் அணைகள் இருக்குமானால் மறுபடியும் முதலில் இருந்தா?

அது சரி.. தேர்தலும் நடத்தியாகிவிட்டது, ஆட்சியையும் பிடித்தாகிவிட்டது, இப்போது கர்நாடக ஆட்சி தானே முக்கியம்...

தமிழகத்தின் முதுகில் குத்திய மத்திய அரசு இப்போது ஒரேயடியாக நெஞ்சிலே குத்திவிட்டது. அடக்கம் மட்டும் தான் செய்ய வேண்டியுள்ளது.

அதற்குத்தான் காவிரி எழவு திட்டம்.

வளர்ச்சிக்கு மக்கள் கொடுத்த அங்கீகாரம் - த்தூ

பாஜக அரசின் வளர்ச்சி திட்டங்களுக்கு மக்கள் கொடுத்த அங்கீகாரம் என்று அவாள் கூட்டம் கொக்கரிக்கும் நாள் விடியாமலேயே போவதாக. 

கர்நாடக மாநில தேர்தலில் 72 சதவீதத்திற்கும் அதிகமான வாக்குகள் பதிவாகியிருப்பதாக தேர்தல் ஆணையம் அதிகாரப்பூர்வமாக அறிவித்திருக்கிறது. கள்ளத்தனம் செய்யாமல் ஒட்டுமொத்த மாநிலத்தில் எப்படிடா சாத்தியம்?

தேர்தல் ஆணையத்தால் தயாரித்து கொடுக்கப்படும் வாக்காளர் அடையாள அட்டைகள்  அச்சு அசலாக ஆயிரக்கணக்கில் பாஜக பிரமுகரின் வீட்டில் கைப்பற்றியபோதே தேர்தல் ஆணையம் தானாக முன்வந்து தேர்தல் நடத்தும் பொறுப்பிலிருந்து விலகியிருக்க வேண்டும். 

ரிசர்வ் வங்கியால் வெளியிடப்படும் புதிய நோட்டுக்கள் மிகச்சாதாரணமாக கட்டுக்கட்டாய் பிடிபட்ட போது அது எந்த வங்கிக்கானது என்று தெரியாது என ரிசர்வ் வங்கி கள்ள மவுனம் சாதித்ததைப்போலவே இன்று கள்ளத்தனமாக தேர்தலையும் நடத்திவிட்டு பதவியேற்புக்காக ஆயத்த வேலைகளில் இருக்கிறார்கள்.

அவாள் தொலைக்காட்சியான டைம்ஸ் நவ் காங்கிரசுக்கு பெரும்பான்மை கிடைக்கும் என்று எக்சிட் போல் சொன்னபோதே தெரியும் தேர்தலின் முடிவு பாஜகவுக்கு சாதகம் என்று.

முதலமைச்சர் எடியூரப்பாவுக்கு "நாசமாப்போக" என்ற வாழ்த்துக்கள் !!


நிமிர்ந்து நிற்கும் இனி நெடுவாசல்

வாழ்த்துக்கள்...மனமார வாழ்த்துக்கள் ...!!!

நெடுவாசல் ஹைட்ரொ கார்பன் திட்டத்தை எதிர்த்து போராடிய அத்துணை பொதுமக்கள், மாணவர்கள், சமூக ஆர்வலர்கள், அரசியல் தலைவர்கள், சினிமா பிரபலங்கள், வலைத்தள பதிவர்கள் என்று அத்தனை பேருக்கும் நெஞ்சார்ந்த நன்றிகள் கோடி..

நீங்கள் வென்று காட்டினீர்கள் 
நாங்களும் மகிழ்கிறோம் 
ஆனந்தக்  கண்ணீரோடு மட்டுமல்ல  
அந்நிய தேசத்தில் இருந்தாலும் 
என் சொந்த தேசம் 
ஒன்றுபட்டு ஓங்கி நிற்கிறது 
தமிழன்டா என்ற கெத்தோடு கூட 


ஏலே ..வரலாறு பேசும் லே..!!! 

திருடன் திருடவும்


திருடன் திருடவும்...

சூது கவ்விய தேசத்தின்
மாலை கவ்வும் நேரம் 
தன்னையும் மண்ணையும் சார்ந்த 
தன்மானக் குடியானதொருவன், 
சந்தையில் வாங்கிய ஆட்டை  
தன் தோளில் தூக்கி
சந்தோசமாய் சென்றான்
தன்  மந்தை நோக்கி ..

மறியைப் பறித்திட 
தீட்டினர் திட்டமொன்றை, 
யோக்கியனென்ற பெயரெடுத்த 
நாலு கடைந்தெடுத்த அயோக்கியர்கள். 

ஒருவன், 
பேரே யோக்கியன் 
தமிழ் தேசியமென 
தம்பட்டம் அடிக்கும் தகர சாமான். 

மற்றவன், 
மகா யோக்கியன் 
மய்யத்தில் நானென்பான் 
எவன் எக்கேடு கெட்டிடினும் 
எப்பக்கமுமில்லை,  நான் மையமென்பான். 

மூன்றாமவன், 
தீவிர யோக்கியன் 
ஆன்மீகப் புயலெனும் 
அமுங்கனிக் கள்ளன்.

அடுத்தவன், 
அதி தீவிர யோக்கியன். 
வளர்ச்சியென்பான் மலருமென்பான் 
வயசுக்கு வராத மொட்டைக்கூட 
கசக்கியெறியும் கள்ளவழி பிறந்த 
தேசபக்த காமுகன். 

நால்வரும் கண்டனர் மறியை 
கால்பங்கு ஆளாளுக்கு, காலோடு சேர்த்து
தனித்தனி செல்வதென முடிவு 
எத்தனித்தனர் எச்சில் ஊற

நாயை சுமப்பதேன் தம்பி.. 
வழிமறித்துக் கேட்டான்
முதலாம் யோக்கியன்,
முன்னோரின் ஓலையின்படி 
முப்பாட்டன் வழி  சொந்தம் 
நான் உன்னுடைய 
அண்ணனென்ற  அறிமுகத்தோடு!.
ஆட்டு மறியை   நாயென விளிக்கும் 
அதிசயப்  பயித்தியமா  நீ 
வழியை விடு என்றவாறே 
வழியைத்  தொடர்ந்தான் - ஆனால் 
அணுவளவு கீறல் அவனுள்ளத்தில் 

சற்று தூரம் கழிய 
மற்ற யோக்கியன் வந்தான், 
மய்யம் என்றவாறே !
பன்றியின் நிறம் கருப்பு - ஆனால் 
கறுப்பெல்லாம் கறுப்பல்லவென்று 
கரகரத்தான் கருஞ்சட்டையோடு ! 
கடுப்படிக்காதே விசயத்தைச்சொல் 
என வீரம் செறிக்க கேட்டவனிடம் 
அறமன்று பன்றியை சுமப்பது 
என்றவாறே ட்வீட்டவும் செய்தான் !!

சிறுகீறல் இப்போது 
சிக்கலாய் விரிந்தது !! 
விறுவிறுவென விற்றவுடன் 
கிளம்பிய வியாபாரியின்  பிம்பம் 
கண்திரையில் சிரித்தது !!
சந்தேகப்பட்டது சரிதானோ 
இல்லை இல்லை இது ஆடுதான் என்றான்
அடிமனதில் ஆட்டத்தை அடக்கிக்கொண்டு.

மூன்றாமவன் வந்தான் 
முப்பது முழ தூரம் கழித்து. 
வாயே தொறக்காதவன், 
வாயைப் பிளந்தான் ஆன்மீக வாடையோடு 
தோளை பார்த்து கத்தினான் 
இமயமலை மீது சத்தியம் 
நிச்சயம் நீ சுமப்பது பாம்பென்று !!

அடிமனதின் ஆட்டம் இப்போ உதறலாய் !!
என்னாச்சு உங்களுக்கென்று 
சில நாழிகை முன் கேட்டவன் 
என்ன நடந்தது எனக்கென்று 
தன்னைக் கேட்டான் சிந்தனையில் !!

கடைசியில் நின்றான் அதிதீவிர யோக்கியன். 
கல்லெறிக்குத் தப்பிய கள்வன் போல,
கத்தினான் கையால் பொத்தியபடி 
காவிப் பற்கள் தெரியாதபடி !!
இந்துவல்லவோ நீ 
அவன் பிணத்தை சுமப்பானேன் 
அசுத்தத்தை சுமக்காதேடா அம்பி !!

உதறல் உள்ளத்துக்குள் ஊக்கமாய் கொதித்தது
உளறல் எனலாம் ஒருவனென்றால்... 
அத்தனை பேரும் பொய்யாகுமோ?
மறியல்ல இது வேறெதுவோ..!! 
இறக்கிவிட்டு  ஓடினான்
தான் வந்த வழி தெறித்தபடி 
தன் நிலை நொந்தபடி 

நால்வரும் கூடினர் 
நாற் பங்காகியது மறி  
அறிந்து கொள் தமிழா 
விழித்துக் கொள் !!

ஆட்டைத் தொலைத்த 
அப்பாவியோடு போகட்டும்,
நாட்டைத் தொலைத்துவிடாதே !

அக்கறையன்று அவர் குரல் !!!
அடித்துச் சொல்கிறேன், 
திருடன் திருடவும் 
கொல்லவும்  அழிக்கவுமேயன்றி 
வேறொன்றுக்கும் வரான்...!!!

அப்பா எங்கே?

அப்பா எங்கே?
நிற்க இடமில்லாமல் 
நீண்ட  ரயில் பயணம் 
கால்கடுக்க நின்று
கால் இடுக்கில் கிடைத்த 
காலடி இடத்தையும் கொடுத்து 
கண்விழித்து 
கலங்காத ராசா என்று 
தட்டிக்கொடுத்து 
நன்றாய் எழுது 
நாளைய தேர்வில் வெல்லு 
நமக்காகும்  நாளை என்றவர்  
என்னையும் கனவையும் 
தன் நெஞ்சில் தாங்கி 
இங்கு தான் எங்கோ நிற்கிறார் 
எழுதிவிட்டேன் நன்றாய் 
என்று சொல்லி மகிழ 
என் அப்பா எங்கே?



தமிழகத்திற்கு பாஜக செய்ததை பட்டியலிடத்தயார் - தமிழிசை


தமிழகத்திற்கு பாஜக செய்ததை பட்டியலிட தயார்.
தமிழிசை சவால் 

இன்றைய (03.05.2018) செய்தி..! 

பட்டியலில் சில.. 



பிரதமர் கர்நாடக தேர்தல் பிரச்சாரத்தில் இருப்பதால் காவிரி மேலாண்மை வரைவு அறிக்கை தாக்கல் செய்ய இயலவில்லை 


தமிழகத்தில் நீட் மையம் அமைக்க இயலாது. மாணவர்கள் வெளி மாநிலத்திற்கு சென்று தான் தேர்வு எழுத வேண்டும்


இதுவும் இன்றைய செய்தி தான்..!!!  



படம் சொல்லும் செய்தி


ப.சிதம்பரம்: அது எப்படி அப்பு..மோடி எவ்வளவு ஆப்படிச்சாலும் வலிக்காதது மாதிரி கெத்தா இருக்கீரு.

அத்வானி: ஹா..நீங்க பத்து வருசமா மூத்திர சந்துல கும்முனதுல  இப்பெல்லாம் எவ்வளவு அடிச்சாலும் தாங்குற தெம்பு வந்திருச்சி 


மோடி: எழுதி வைக்காம ராகுல் ஒரு பதினைந்து நிமிஷம்  பேச முடியுமா?

மக்கள்: அண்டப்புளுகு புளுகாம உம்மால ஒரு நிமிஷம் பேச முடியுமா?


மத்திய அரசு: பி.எச்டி முடித்தவர்களுக்கே இனி உதவி பேராசிரியர் வேலை.

பக்தாள்: நிர்மலா தேவி  தேசபக்தியோடு  நாட்டுக்கான சேவைதான் செஞ்சாங்க ன்னு இப்பவாச்சும் தெரியுதா?


வைரல் வீடியோ: ரயில் கழிப்பறையில்  தண்ணீர் நிரப்பிக்கொண்டு தில்லாக சென்ற டீ வியாபாரிகள்.

மக்கள்: டீ விற்றவர்கள் நாட்டிலும்  இப்போ டீ விற்றுக்கொண்டிருப்பவர்கள் பயணிகளிடமும் மோ(ச)டி செய்கிறார்கள். 


திரிபுரா முதல்வர்: எனது அரசில் தலையிட்டால் நகத்தை வெட்டுவேன் 

குருமூர்த்தி: திரிபுரா நிலவரம் தெரிஞ்ச அவரு திரிபுரா மக்களுக்கு சேவை செய்யிறாரு..அமெரிக்காவுக்கல்ல  






துணை ராணுவம் பயிற்சிக்காகத்தான்..பயப்பட தேவையில்லை - ஸ்ரீ எடப்பாடி சாமி அருளுரை



துணை ராணுவம் வந்திருப்பது பயிற்சிக்காகத்தான். துணை ராணுவம் வந்ததைப்  பற்றி பயப்பட தேவையில்லை

- ஸ்ரீ லகுட ஸ்ரீ களவாணி எடப்பாடி சாமி 


அதைத்தான் சாமி நாங்களும் கேக்குறோம், பயிற்சின்னா என்ன விதமான பயிற்சி? இலங்கையில் கடைசி யுத்தம் வருவதற்கு முன் நம் கடல் பகுதியில் பல நாடுகள் இந்தியாவோடு  கூட்டுப்பயிற்சி என்ற பெயரில் திட்டம் தீட்டியதை போன்ற பயிற்சியா..இல்லை இலங்கையில் இரணமடு பகுதியில் ராணுவம்  2006ல் நடத்திய ஒத்திகைப் பயிற்சியா?

அது இருக்கட்டும். தமிழர்கள்  எதற்கும் தயாராகவே இருக்கிறார்கள். 

ஆனால் துணை ராணுவம் வருவது முறைப்படி முதலமைச்சருக்குக் கூட தெரிவிக்கப்படவில்லையாமே? இதை விடவும் ஒரு மாநிலத்தின் முதலமைச்சரை அவமதிக்க முடியுமா?

ஊழல் வழக்கிலிருந்து தப்பிக்கவும் வராது வந்த மாமணி போல் வந்த  முதலமைச்சர் பதவியில் கூடுமான வரை அனுபவிப்பதற்காக எதையும் செய்யத் தயாராகிவிட்டீர்கள் சாமி ? 

ஒரே ஒரு வேண்டுகோள்..வள்ளுவன் வாயிலாக.. 

ஒட்டார்பின் சென்றொருவன் வாழ்தலின் அந்நிலையே 
கெட்டான்  எனப்படுதல் நன்று.

விளக்கம்: மதியாதவரின் பின் சென்று ஒருவன் உயிர் வாழ்வதைவிட அவ்வாறு செய்யாத நிலையில் நின்று அழிந்தான் என்று சொல்லப்படுதல் நல்லது.

உண்மையிலேயே சாமியாகிவிடுங்கள் சாமி.





வைகோ வார்த்தையை அளந்து பேச வேண்டும் - பொன்னார்


செய்தி: பத்திரிக்கையாளர்களுக்கு பேட்டியளித்த மேலே உள்ள படத்திலுள்ள நபர் வைகோ தன் மீது கல்வீசினவர்களை "பாஜகவின் கைக்கூலிகள்" என்று கூறியதற்கு கண்டனம் (இணைப்பு)

- அதானே, நாலு மாசம் சம்பள பாக்கி (எனக்கும் சேர்த்து தான்) வைத்திருப்பது தெரியாமல் இன்றைக்கும் கைக்கூலிகள் என்று கூறுவதை எப்படி ஏற்க முடியும்?..  

உசிலம்பட்டி வட்டாரங்களில் மரத்தடி நாட்டாமை பஞ்சாயத்துகளில் நடந்த ஒரு  நாட்டாமை தீர்ப்பு "அவன் உன்னை அடிச்சிருக்கலாம் ..அதுக்காக அவரை  போடா ன்னு எப்படி மரியாதை இல்லாம நீ சொல்லலாம்? இருநூறு ரூவா அபராதம் கட்டிட்டு அவரு கால்ல விழுந்து மன்னிப்பு கேளு" 

அதே போல, மக்களின் சுகாதாரத்திற்கு ஆபத்தான ஸ்டெர்லைட்டுக்கு எதிராகப் பேரணி சென்ற வைக்கோ மீது கல்வீசித் தாக்குதல் நடத்தியது மற்றும் எச் ராஜா, எஸ்.வி சேகர் போன்ற வெறியர்கள் வன்மமாக, ஆபாசமாகப்  பேசுவது தவறில்லை. 

காவிக்கொடியுடன் வந்து கல்வீசிய அவர்களை பாஜகவின் கைக்கூலிகள் என்று கூறியது தான் தவறு. 









கர்நாடக தேர்தல் கருத்துக்கணிப்பு - மணியோசை


யானை வரும் பின்னே மணியோசை வரும் முன்னே.. 
ஓட்டு மிஷின் மோசடி வரும் பின்னே 
கருத்துக்கணிப்பு வரும் முன்னே.

இதோ வந்து விட்டது..!

இந்தியா முழுவதும் ஒவ்வொரு துறையிலும் நாறிக்கொண்டிருக்கும் பாஜகவின் ஆட்சி அலங்கோலத்தைக் கண்ட பின்னும் கர்நாடக மக்கள் பாஜகவை தனிப்பெரும் கட்சியாக ஜெயிக்க வைப்பார்கள் என்றால்  இவர்களால் 'தயாரிக்கப்பட்ட' ஓட்டு மெஷினே கூட நம்பாது.

தொங்கு சட்டசபை அமையும், ஆனாலும் பாஜக தனிப்பெரும் கட்சியாக உருவெடுக்கும் என்று கேப்பையில் நெய் வடிக்கும் செயலை தொடங்கி விட்டார்கள்.

இன்னும் இரண்டொரு நாட்களில் வேறொரூ மீடியாவை வைத்து பாஜக குறைந்த  இடங்கள் வித்தியாசத்தில் ஆட்சியமைக்கும் என்று எருமையை ஏரோப்பிளேன் ஓட்ட வைப்பார்கள்.

கடைசியில் அடிமை  தேர்தல் ஆணையத்தின் முழு ஒத்துழைப்போடும் பாதுகாப்போடும் தங்களுடைய ஓட்டு மெஷினை வைத்து "கேக்குறவன் மட்டுமல்ல .. கேக்காதவனும் கேனையன்" அப்படின்னு வழக்கம் போல வளர்ச்சிக்கு கிடைத்த வெற்றின்னு கொக்கரிப்பார்கள்.

கர்நாடக மக்கள் வீறு கொண்டு எழுந்து புரட்சி செய்வார்களா? 

ஓட்டு மெஷினில் ஒரு ஐந்தாயிரம் முதல் பத்தாயிரம் வாக்குகளுக்கு மட்டுமே மோசடி செய்து வைத்திருப்பார்கள்.  பதிவாகும் வாக்குகளில் ஒட்டு மொத்தமாக கிட்டத்தட்ட 70 சதவீதத்திற்கும் மேற்பட்ட வாக்குகள் தாமரைக்கு எதிராக விழுந்தால் காவி பூனைக்கு மணி கட்டுவது மட்டுமல்ல வாயில் பசுவின் கோமியத்தையும் வைக்கலாம்.

செய்வார்களா? பொறுத்திருந்து பார்ப்போம்.


ராம ராஜ்யத்தில் "ஆசிபா" க்கள்


மோடி ராஜ்ஜியத்தில் இந்தக் கதியென்றால்
தவமிருந்த காரணத்துக்காய் தலை கொய்த
ராமனின் ராஜ்யத்தில்
தமிழிசை கூட தப்புமா? - இல்லை 
வானதியும்  தான் வாழமுடியுமா?

இந்துக்களாய்  சேர்வோம்
ராமராஜ்யம் அமைப்போம் - என்று
வீரியம் பேசினவன்
தாழ்த்தப்பட்ட இந்துக்களுக்கெதிராக
துப்பாக்கி கொண்டு துரத்தினான்
வீதி வீதியாய் !

சுத்தமில்லை நீ சூத்திரன் என்றான்
சுத்தமில்லாமல் ஒரு சத்தமுமில்லாமல்
கடவுளென்று நீ கருதும் 
கருவறையை பள்ளியறையாய் மாற்றி
கயமைத்தனம் செய்தான் !!

காக்க வேண்டும் கலாச்சாரம் 
காவி தான் ஒரே தேசத்தின் ஆச்சாரம் 
காவல் தெய்வம் என்றான், 
கற்பழிக்கப்பட்டவள் தந்தையை
காவல் நிலையத்தில் கொன்றான் !!!

இத்தனை நடந்தும் வாய் திறக்கவில்லை இதுவரை
பத்து லட்ச ரூபாய் கோட்டு  கட்ட  துரை 
இந்துக்கள் இந்துக்கள் என்று சொல்லி 
இல்லாதவன் பணத்தையெடுத்து 
இருப்பவனிடத்தில் கொடுத்தான் அள்ளி !!!

விழித்துக்கொள் தமிழா இந்துவல்ல நீ 
சூத்திரன் என்று குனியும் நேரம் இதுவல்ல.
வினை செய்,  விளையச் செய்
அழித்து விடும் அதிகாரம் 
எனக்கென்ன என்றிருந்தால்  !!













பூனைக்குட்டி வெளியே வந்ததா? - டிடிவி

பாஜகவின் ஸ்லீப்பர் செல்

அசுர பலத்திலும் அக்கிரம சிந்தையிலும் நிறைந்திருக்கும் மத்திய பாஜக அரசை மிகவும் கூலாக எதிர்கொள்கிறார், இவர்தான் மாவீரன் என்று பாஜக சார்பு ஊடகங்கள் மூலம் கட்டியமைக்கப்பட்ட பிம்பம் தான் இந்த டிடிவி தினகரன் என்று எத்தனை முறை சொன்னாலும் அடங்காத அதிமுகவினர் இன்றைக்கு இலேசாக தலையை சொரிந்து கொள்ள தொடங்கியிருக்கிறார்கள்.

பிரதமரின் தமிழக வருகையை ஒட்டுமொத்த தமிழகம் மட்டுமல்ல, வடமாநிலத்தவரும் கூட இன்னும் வெளிநாடு வாழ் தமிழர்களும் ஓட்டு மொத்தமாக எதிர்ப்பு தெரிவிக்கும்போது எதிர்ப்பு தெரிவிக்காத கட்சிகள் ஒன்று பாஜக, மற்றொன்று டிடிவி....!!! (எடப்பாடி குரூப் ஏற்கனவே பாஜகவில் அடக்கம்) 

ஜெயாவின் மர்மமான  மறைவிற்கு பின் ஒட்டுமொத்த அதிமுகவும் கிட்டத்தட்ட சிதைந்தடைந்து மாற்றுக்கட்சி தேடத்தொடங்கியபோது  கட்சியை காப்பாற்றுவதற்காக,  ஒட்டு வங்கிக்காக, அவர்களை வைத்து காரியம் சாதிப்பதற்காக  மத்திய பாஜகவினால் திட்டமிட்டு  அதிமுகவுக்கு ஒரு வலுவான தலைவன் என்ற பிம்பத்தை ஏற்படுத்த நடத்தப்பட்ட நாடகத்தின் கதாநாயகன் தான்  இந்த டிடிவி தினகரன்!! . வில்லனாக வேஷம் போட்டவர்கள் தான் ஓபிஎஸ்சும் இபிஎஸ்சும் ..!!

கைது டீலிங் பேசவும்,  சிறையில்  ஒத்திகையும், ரெயிடும் ஊடக வெளிச்சமும் ஆரம்பக் காட்சிகள் என்று திட்டமிட்டபடி நடந்தது.

ஆர்கே நகர் தேர்தலில் முதல் தடவை நடந்த போது பணம் கொடுத்ததற்காக தேர்தலையே நிறுத்தி வைத்த ஆணையம் பின்பு நடந்த தேர்தலில் போத்திக் கொண்டு உறங்கியதற்கு காரணம்  பாஜகவின் ஆணைப்படி டிடிவியை மக்கள் செல்வாக்கு உள்ளவராகக் காண்பிப்பதற்கே..

நேர்மையும் மனச்சாட்ச்சியுமுள்ள நபர்கள் அதிமுகவில் உண்டு. 

அறிந்து கொள்ளுங்கள் இந்த பாஜகவின் ஸ்லீப்பர் செல்லை.







ஒரே வாரத்தில் 8,50,000 கழிப்பறைகள்..!

அண்டப்புளுகு ஆகாசப்புளுகெல்லாம்
ஓபிஎஸ் இபிஎஸ்  போன்று, 
இரண்டும்  இவர் கால் தூசு போன்று.

ஒரு வாரத்தில் எட்டரை லட்சம் கழிவறை
ஆரவாரத்தில்  அவாள் கூட்டம் அலப்பறை 
எப்படிடா சாத்தியம் அருவருப்பின் மொத்தமே
கப்படிக்கும் நாற்றமடா கருநாகம் உன் சத்தமே

ஓரடிக்கு ஓரடி கட்டினாலும் ஓராயிரம் கூடி நின்றாலும்
கணக்கு உதைக்குதடா தள்ளுபடியான கடன் போல
கட்சிக்கு வந்த ஆயிரம் கோடி  நிதி போல

பதவிக்கு வந்தால் பதினைந்து லட்சம்
முதலாண்டு முடிந்தால் ஒரு கோடி வேலை
கறுப்புப்பணம் மீட்க பணமதிப்பிழப்பு 
காவிரியில் எங்களுக்கு கழுத்தறுப்பு

பொய்யுரை நம்பலாம் வடநாட்டில்
மயிரத்தான் மலரும்  எம் தமிழ்நாட்டில்






சமாதானப் புறா - மகா ப்ரபு சிம்பு


மவுனப்போராட்டம் என்று நடிகர்கள் தடுப்பாட்டம் ஆடியதைக் கூட ஒரு வகையில் சகித்துக் கொள்ளலாம்.  அவன் தொழில் எந்த விதத்திலும் பாதிப்படைந்து விடக்கூடாது என்பதில் கவனமாக இருக்கிறான். 

ஆனால்,  ஒரு நடிகனின் அடிப்படை அரசியல் அறிவும்,  தமிழ் சமூகம் சந்திக்கும் எந்தப் பிரச்சினையும்  குறித்தான அவனது பார்வையும் அணுகுமுறையும் எந்த அளவுக்கு பெலவீனமானது என்பது மட்டுமல்லாமல் எவ்வளவு ஆபத்தானது போன்றவை அவ்வப்போது சில  நடிகர்கள் மூலம் வெளிப்பட்டுக்கொண்டுதான் இருக்கிறது.

அதிலும் மேலாக,  கிட்டத்தட்ட ஒரு மனநிலை சரியில்லாத மனிதனா இல்லை இவனுக்கு தெரிந்ததே இவ்வளவு தானா என்ற சந்தேகம் ஏற்படும் அளவுக்கு  நேற்றைய  பிரபல விரல்வித்தை நாயகனும் பரம்பரை சொடக்கு போடும் வல்லுநருமாகிய சிம்பு என்ற அறிவாளி பேசுவதை பார்க்க வேண்டிய அவலத்தை அவனிடம் மைக்கை நீட்டிய ஊடகங்கள் ஏற்படுத்திவிட்டது.

பிரபலம் என்பதற்காக இப்படியா ஒரு குறைந்த பட்ச அறிவு கூட இல்லாத நபரிடம் மைக்கை நீட்டுவீர்கள்?

நதி நீர் பங்கீடு குறித்த சர்வ தேச சட்டம் கிலோ என்ன விலைன்னு தெரியுமா? காவிரி பிரச்சினை பற்றிய ஒரு சதவீத அறிவு இல்லாமல் இருக்கும் அவன் பேசலாம்..நீங்கள் மைக்கை நீட்டலாமா?

அன்பா கேட்கணும்னு சொல்லிட்டு ஊடகங்களை "அடி ரா"  என்று துரத்திவிட்டான் பார்த்தீர்களா?

கேனப்பய ஊருக்குள்ள கிறுக்குப் பய நாட்டாமை.



காவிரி விவகாரத்தில் திமுகவின் துரோகம்?


திமுக ஏன் அதிகாரத்தில் இருக்கும் போது  காவிரி நீரை பெற்றுத்  தரவில்லை? திமுக கபட நாடகம் ஆடுகிறதா? 

...என்று மிக  அப்பட்டமான பொய்யை திரும்பத் திரும்ப மக்கள் மனதில் அடித்து அடித்து ஏற்றிக்   கொண்டிருக்கும் இந்த சமயத்தில் ஒரு மிகவும் எளிமையான ஒரு பார்வை. 

நேர்மையாளனாக சிந்தியுங்கள்.

இப்போது (02.04.2018) எதற்காக தமிழகம் முழுவதும் போராட்டம் நடைபெறுகிறது?

காவிரி மேலாண்மை வாரியம் அமைப்பதற்கு.

காவிரி மேலாண்மை வாரியம் அமைக்கச் சொன்னது யார்?

உச்ச நீதிமன்றம்.

உச்ச நீதிமன்றம் ஏன் அமைக்கச் சொன்னது?

காவிரி நடுவர்மன்ற இறுதித் தீர்ப்பில் மேலாண்மை வாரியம் அமைக்கச் சொல்லியதால்.

காவிரி நடுவர் மன்றம் என்ன, எப்போது இறுதித்தீர்ப்பு வழங்கியது?

திமுக 1989-1991 ஆட்சியால் 1991 ஜூன் 25ல் 205 டிஎம்சி தண்ணீர் வழங்க வேண்டும் என்று தீர்ப்பு வழங்கப்பட்டது. (1991 ஜூன் 24ல் ஜெயலலிதா முதல்முறையாக ராஜீவ் மரண அலையில் ஜெயித்து முதல்வராக பதவி ஏற்றார். மறு  நாள் தீர்ப்பு. இதில் அதிமுகவுக்கு எந்த சம்பந்தமும் இல்லை.

சரி, காவிரி நடுவர் மன்றம் ஏன் இடைக்கால தீர்ப்பை வழங்கியது?

நடுவர் மன்றத்தில் வழக்கு முடிய நீண்ட காலம் ஆகும். எனவே இடைக்கால நிவாரணமாக ஒரு ஏற்பாடு செய்யவேண்டும் என திமுக ஆட்சியில் வழக்கு தொடுக்கப் பட்டதால் நடுவர் மன்றம் இடைக்கால தீர்ப்பை வழங்கியது.

சரி, அந்த காவிரி நடுவர் மன்றம் எப்போது, யாரால் அமைக்கப் பட்டது?

திமுக ஆட்சியில் 1990 ஜூன் 2ம் தேதி, மத்தியில் திமுக கூட்டணி அங்கம் வகித்த தேசிய முன்னணி அரசால் அப்போதைய பிரதமர் வி.பி. சிங் அவர்களால் அமைக்கப் பட்டது.

சரி..இப்போ சொல்லுங்கள். இதில் திமுக எங்கே துரோகம் இழைத்தது?


பேஸ்புக் தலைமையகம் சென்ற ஒரே பிரதமர் மோடி


4 தேர்தலில் மோடியின் வெற்றிக்கு உதவினோம்.. பாஜக பற்றி கேம்பிரிட்ஜ் அனாலிட்டிக்கா திடுக்கிடும் தகவல்! பாஜகவிற்கும் இந்த நிறுவனத்திற்கும் நெருங்கிய தொடர்பு இருப்பதாக தகவல்கள் வெளியாகி உள்ளது. 

கேம்பிரிட்ஜ் அனாலிட்டிக்கா நிறுவனம் பல நாட்டு தேர்தல்களில் முறைகேடு செய்தது போல கடந்த இந்திய நாடாளுமன்ற தேர்தலிலும் முறைகேடு செய்து இருப்பதாக குற்றச்சாட்டு எழுந்துள்ளது. கேம்பிரிட்ஜ் அனாலிட்டிக்கா என்ற நிறுவனம் 50 மில்லியன் பேஸ்புக் பயனாளர்களின் கணக்கில் இருக்கும் தகவல்களை முறையின்றி சோதனை செய்து திருடி இருக்கிறது. 

இந்த முறைகேட்டில் பாஜக கட்சிதான் முக்கிய பங்கு வகித்து இருக்கிறது. கேம்பிரிட்ஜ் அனாலிட்டிக்கா நிறுவனத்தின் இந்திய கிளையான 'ஓவலேனோ பிசினஸ் இண்டலிஜென்ஸ்' என்ற நிறுவனத்துடன் பாஜக கட்சிதான் தொடர்பில் இருந்துள்ளது. இதை 'ஓவலேனோ பிசினஸ் இண்டலிஜென்ஸ்' நிறுவனத்தின் இந்திய சிஇஓ ஒப்புக்கொண்டதும் பெரிய பிரச்சனை ஆகியுள்ளது. 

அமெரிக்காவில் இருக்கும் பேஸ்புக் தலைமையகம் சென்ற ஒரே பிரதமர் பாஜகவை சேர்ந்த மோடி மட்டுமே. 2014 தேர்தலில் உதவியதற்கான நன்றிக் கடன்தான் இந்த சந்திப்பு என்று காங்கிரஸ் கட்சி குற்றச்சாட்டு வைத்து இருக்கிறது. மேலும் இதில் நிறைய பணம் கைமாறி இருக்கலாம் என்றும் காங்கிரஸ் குற்றச்சாட்டு வைத்துள்ளது. 

இதே சமயத்தில் 'ஓவலேனோ பிசினஸ் இண்டலிஜென்ஸ்' நிறுவனத்தின் 'லிங்க்டின்' பக்கத்தில் முக்கியமான தகவல் இருக்கிறது. அதில் நான்கு வெவ்வேறு தேர்தல்களில் பாஜக கட்சிக்காக நாங்கள் உதவி செய்தோம். அதன் மூலம் பாஜக கட்சி வெற்றி பெற்றது என்று அந்த நிறுவனம் வெளிப்படையாக குறிப்பிட்டு இருக்கிறது. 

இந்த 'ஓவலேனோ பிசினஸ் இண்டலிஜென்ஸ்' நிறுவனம் மூலம் பாஜக இந்தியா முழுக்க பொய்யான செய்திகளை பரப்பியதாக கூறப்படுகிறது. மேலும் பொய்யான புள்ளி விவரங்களை கொடுத்து மக்களின் மனநிலையை மாற்றி உள்ளது என்று குற்றச்சாட்டு எழுந்துள்ளது. 

இந்த நிறுவனத்துடன் ராஜ்நாத் சிங்தான் அதிக நெருக்கமாக இருக்கிறார் என்று கூறப்பட்டுள்ளது.

ஒன்றுபட்டால் இந்துக்களுக்கு எதிரியே இல்லை - ஜீயர்

ஆம் ..அர்ஜுன் சம்பத் என்ற இந்துவை ஆண்டாள் கோயில் ஜீயராக்க எதிரியே இருக்க மாட்டான். 


விஷ்வ இந்து பரிஷத் அமைப்பின் ராம ராஜ்ய ரதயாத்திரை வரவேற்பு கூட்டத்தில் பேசிய ஸ்ரீவில்லிபுத்தூர் சடகோப ராமானுஜ ஜீயர் இந்துக்கள் ஒன்றுபட்டால் இந்துக்களை எதிர்க்க யாராலும் முடியாது என்று பேசியுள்ளார். (செய்தி இணைப்பு)


இந்துக்களாய் ஒன்றுபட்டு....

திருவரங்கம் கோயிலில் பார்ப்பான் அல்லாத இந்துவை பூஜாரியாக்குவோம். எதிர்ப்பே  இருக்காது...சோடா பாட்டில் வீசப்படாது.!

அர்ஜுன் சம்பத் மற்றும் லேட்டஸ்ட் "பொட்டை புகழ்" தங்க வெங்கடேஷ் போன்ற சூத்திர இந்துக்களை சங்கராச்சாரியார் என்ற இந்துவின் பக்கத்தில்  சுப்பிரமணியன் சாமி என்ற இந்துவைப்போலவே சரிசமமாக அமர வைப்போம்..எதிர்ப்பே  இருக்காது.சோடா பாட்டில் வீசப்படாது.!!

அப்படித்தானே ஜீயர் ..? 


பாஜக மீண்டும் ஆட்சிக்கு வர யாகம்


ரவிசங்கர் என்ற சாமியாரின் ஆலோசனைப்படி  ராஷ்ட்ரிய ரக்ஷா மகா யாகம் செய்தி இணைப்பு என்ற யாகத்தை கடந்த மாதம் உள்துறை அமைச்சர் கொடியேற்றி  தொடங்கி வைத்து, இப்பொழுது  (18.03.2018 முதல் 25.03.2018 வரை) டில்லி செங்கோட்டை மைதானத்தில் அரசு செலவில் மகா யாகம் நடந்து கொண்டிருக்கிறது.

108 வேள்வி குண்டங்கள், 2100 புரோகிதர்கள் மற்றும் 51000 மந்திரம் ஓதக்கூடியவர்கள் என்று கிட்டத்தட்ட டில்லி செங்கோட்டை மைதானத்தையே ஒரு பூஜை நகரமாக மாற்றியிருக்கிறார்கள். 

அதானியை எப்படியாவது உலகத்துலேயே பெரிய பணக்காரனாக்கிவிடணும் 

தன்னை எதிப்பவர்களை தன்பக்கம் திருப்பவும் , எதிர் பேசுவோரை ஊமையாக்கவும்,  தோல்வி முகத்தை வெற்றியாக்கவும்  எதிரிகளை அழிக்கவும் அவர்களை தோல்வி பெறச்செய்யவும்  உதவி செய்வதாக இந்துக்களால் நம்பப்படக்கூடிய  பாகல முகி என்ற தேவதையை பிரியப்படுத்த இவ்வாறு செய்து மோடி மீண்டும் பிரதமராக வேண்டும் என்று யாகம் செய்கிறார். 

இப்போ நம்ம சந்தேகம் என்னவெனில், தேவி உதவுவாளென்றால்...

"பலத்த மீடியாக்கள்
அமர்த்தப்பட்ட ஆன்லைன் அடிமைகள் ஆள்பிடிக்கும் கூட்டம் 
எம் எல் ஏக்களை விலைக்கு வாங்கும் திட்டம்
மின்னணு வாக்கு எந்திரம் 
தேர்தல் ஆணையம் 
காவி  நீதிபதிகள் 
கவர்னர்கள் 
தமிழ்நாடு போன்ற டயர் சுத்தம் செய்பவர்கள் 
கலவரம் தூண்டும் எச்ச கள் 
களத்தில் கலவரம் செய்யும் சூத்திர அடிமைகள்" 

என்று இத்தனையும் விட வேண்டாம்..மின்னணு வாக்கு எந்திரத்தை மட்டும் வாக்கு சீட்டாக மாற்ற முன்வருவீர்களா..?

தேவியால் முடியாதென்று இத்தனை "கள்" பயன்படுத்துகிறீர்களா..? அல்லது  தேவிக்கும் இத்தனை "கள்" உதவிக்கு  தேவைப்படுகிறதா..?

அல்லது.. இத்தனை 'கள் ' இருந்தும் அவர்கள் மேல் நம்பிக்கை இல்லாமல் பற்றாக்குறைக்கு தேவியிடம் கோரிக்கையா..? 

சரி..ஒருவேளை அப்படியும் அடுத்த தேர்தலில்  போனால் கிறிஸ்தவ பாதிரிகளையும் சர்ச்களையும் உடைக்கும் நீங்கள் தேவியை உடைத்து எறிவீர்களா..?   


 



முழு அரசியல்வாதி ஆகவில்லை: ரஜினி பதில்

நான் அரசியல் ரீதியாக எந்த கேள்விக்கும் பதிலளிக்க விரும்பவில்லை..!!

இன்னும் முக்கல..
தர்மசாலாவில் உள்ள தியான மடத்தில் தங்கியிருந்த ஆன்மீக வியாதி ரஜினிதொடர்ந்து உத்தர்கண்ட் மாநிலம் டேராடூனுக்கு சென்றுள்ளார்.

அங்கு நிருபர்களை சந்தித்த ஆன்மீக வியாதி ரஜினி கூறுகையில், நான் அரசியல் ரீதியாக எந்த கேள்விக்கும் பதிலளிக்க விரும்பவில்லை. இன்னும் அரசியல் கட்சி துவக்கவில்லை. நான் இன்னும் முழுநேர அரசியல்வாதியாகவில்லை எனக்கூறினார். செய்தி இணைப்பு

இன்னும் முழு நேர அரசியல்வாதி ஆகவில்லையென்றால், போன வாரம் எம்ஜிஆர் ஆட்சி என்னால் தர முடியும்னு உதார் விட்டது எந்த வகை? 

கல்லூரி வாசலில் அஸ்வினி என்ற பெண் கொல்லப்பட்ட சம்பவத்தைக் குறித்து கருத்துக் கேட்ட போதும் ஓடினீரே..அரசியல்வாதியாக அல்ல ஒரு சராசரி மனிதனாக கருத்துச்  சொல்ல மனித நேயம் போதுமே? அது கூடவா இல்லாத ஆன்மிகம் இருக்கிறது முதல்வர் கனவில் மிதக்கும் உமக்கு?

குரங்கணி காட்டுத்தீயில் கருகி விட்ட  "டமிலர்" களுக்கு இரங்கல் ட்வீட்  கூட தெரிவிக்க முடியாத  அரசியல் பயணத்தில் இமாச்சலப்பிரதேசத்தின் பாஜக முன்னாள் முதல்வர் பிரேம் குமாருடன் நித்தியானந்தா வகை ஆன்மிகம் பேசினீரோ? 
முழு அரசியல்வாதியாகும் ஆன்மீகத் தியானத்தின் போது 
அது சரி, அரசியல் ரீதியானதது, இல்லாதது என்ற கேள்விகள் பிரிக்க முடியுமா என்ன? மக்களை பற்றியும் மக்கள் பிரச்சினை பற்றியும் பேசுவதும் செயல்படுவதும் தானே அரசியல்? அது கூட இல்லாமல் என்ன வெளக்கெண்ணைக்கு தமிழ்நாட்டில் கட்சி ஆரம்பிக்கப் போகிறீர்?

தலைமை பண்பு, சேவை மனப்பான்மை   என்பது வாழ்க்கையோடு ரத்தத்தோடு  சிறுவயது முதல் நாடி நரம்பில்  கலந்தது..திடீரென்று உருவாகுவதல்ல  ரஜினி..!! அரிதாரங்கள்  எல்லாம் சீக்கிரத்தில் களைந்து போகும் என்பது உச்ச நடிகரான  உமக்கு நன்றாகவே தெரியும். 

2ஜி வழக்குகளை 6 மாதத்தில் முடிக்க உத்தரவு

மோடி உத்தரவு...சாரி நீதிபதி அருண் மிஸ்ரா உத்தரவு.

ஜெயலலிதா மீதான சொத்துக் குவிப்பு வழக்கில் கீழமை நீதிபதி திரு.மைக்கேல் குன்ஹா அவர்களின் தீர்ப்புக்குப் பின் உச்ச நீதிமன்றம் இன்னும் மூன்றே மாதங்களில் விசாரித்து தீர்ப்பு சொல்ல வேண்டுமென்று கடுமையாக (!!) எச்சரித்ததால், கனக்குப் புலி குமாரசாமியை வைத்து மீண்டும் ஜெயாவை முதல்வராக்கினது நேற்றைய வரலாறு.

ஊடக பிம்பத்தினாலும் தொடர்ச்சியான பிரச்சாரத்தினாலும் கட்டியமைக்கப் பட்ட 2ஜி வழக்கிலிருந்து சிபிஐ சிறப்பு நீதிமன்ற நீதிபதி ஆ.ராசாவையும் கனிமொழியையும் விடுதலை செய்தபின் இப்போது மீண்டும் உச்சநீதிமன்றம் களத்தில்  இறங்கி,  இன்னும் 6 மாதத்தில் அனைத்து 2ஜி வழக்குகளையும் முடிக்க வேண்டும் என்று கவலை (!??) தெரிவித்து விட்டார்கள். இது இன்றைய செய்தி. இணைப்பு. 

நீதிபதி தெரிவித்த கருத்துக்கள் அப்படியே கீழே.

"சி.பி.ஐ.,யும், அமலாக்க துறையும் இந்த விஷயத்தில் நாட்டு மக்களை நீண்ட நாட்களுக்கு இருட்டில் வைத்து இருக்க முடியாது. இந்த விவகாரம் நாட்டுக்கு மிகவும் முக்கியமானது. இந்த வழக்குகளில் ஏன் இன்னும் விசாரணை முடியவில்லை என்பதை மக்கள் அறிய வேண்டும். இந்த வழக்கு விசாரணையின் போக்கு குறித்து நாங்கள் மிகவும் கவலை அடைந்துள்ளோம்; மிகவும் அதிருப்தி அடைந்துள்ளோம். எனவே, 2 ஜி தொடர்பான அனைத்து வழக்குகளின் விசாரணையை 6 மாதங்களுக்குள் முடிக்க வேண்டும். விசாரணையில் ஒரு விஷயத்தை கூட விட்டு விட கூடாது." 

இதில் கவனிக்கப் பட வேண்டிய கருத்து "விசாரணையில் ஒரு விஷயத்தை கூட விட்டு விட கூடாது."    ஆக, இனி ஒரு குமாரசாமி வருவார். தீர்ப்பு எழுதுவார் ஆ.ராசா மற்றும் கனிமொழி குற்றவாளியென்று. இது நாளை நடக்கப் போகும் வரலாற்றுச் செய்தி. 

வெற்றிடம் அரசியலிலா..?இல்ல..

யாரார்க்கு என்ன வேஷமோ...

தமிழக அரசியலில் ஒரு வெற்றிடம் இருப்பதாக நம்பும் அம்பிகளில் இவரும்  ஒருத்தர்.

அரசியல் பேசக்கூடாதுன்னு தான் வந்தேன் ..ஆனா அரசியல் பேச வச்சிட்டாங்கன்னு, வீட்ல ஏற்கனவே கண்ணாடி முன்ன நின்னு பல தடவ பேசிப் பார்த்த டயலாக்கை சும்மா அவுத்து விட்டுப்புட்டாரு நம்ம தலைவரு.

சரி, அப்படியே  அந்த மேடையில இவருக்கு முன்னாடி பேசுனவங்க  கடைசி நேரத்துல,  நான் உள்பட  யாருமே அரசியலே பேசக்கூடாதுங்கிற  இவரு விரதத்தை கலைக்க முடியும்னா ..

அரசியலுக்கு வந்த பின் எத்தனையோ பிரச்சினைகளை   தமிழகம் சந்தித்தபோது, உங்கள் கருத்து என்ன என்று பல மீடியாக்கள் மூலமா வலியுறுத்திக் கேட்டும் வாயத்தொறக்கலன்னா  அது கள்ள மௌனம் தானே? 

சரி அது கூட இருக்கட்டும். இப்ப சிங்கத்த  உசுப்பி விட்டுட்டாங்கல்ல.. எச்ச ராஜா பெரியார் சிலைய உடைப்போம்னு சொன்னது  தப்பா  இல்லையான்னு தன்  கருத்த சொல்லுவாருங்கிறீங்க?

ஜெயலலிதா இல்லாத அதிமுகவின் பிளவுகள் மற்றும் பாஜகவால் பொம்மையாக  ஆட்டிப்படைக்கப்படும் ஒரு லும்பன்களின் கூடாரத்தையும் ஒரு பலமுள்ள எதிர்க்கட்சியாக கட்டுக்கோப்பாக இருக்கும் திமுகவையும் நல்ல தலைமை இல்லாத வெற்றிடம் இருக்கிறது என்று இரண்டையும் ஒரே நிலையில் வைத்துப் பார்ப்பது எவ்வளவு பெரிய அயோக்கியத்தனம்?


கண்ணா..இங்க பாரு..நீயா ஓடிடு..இல்லேன்னா ஓட வைப்போம். உன் முதலாளி பாஜகவையும் சேர்த்து.


Receive update by Email

ஏன் இந்த வலைப்பூ (என்னால் முடிந்தது)

உறவாடிக் கெடுப்பவன்

வேதாந்தம் பல பேசி தெளிவாய்க் குழப்பி வேஷம் பல கொண்டு உண்மையின் உரைகல்லென்று ஓயாமல் பொய்யுரைக்கும் எம்மக்களின் முதல்...